Fomentamos a igualdade de oportunidades e a formación integral e permanente das persoas. Cremos nun proxecto que xunta as potencialidades profesionais e o desenvolvemento persoal.

Unha das principais diferenzas entre unha cooperativa e outro tipo de empresa é a participación que lles permiten aos seus traballadores. En EROSKI articulamos esa participación nos principais eixes da empresa:

• No capital: cando pasamos a ser socios de EROSKI achegamos un capital que nos dá dereito a participar na xestión e nos resultados.
• Na xestión: os socios intervimos na planificación anual dos obxectivos propios e globais da empresa e na toma de decisións.
• Nos resultados: o 40% dos beneficios repártense entre os socios.

Facemos compatible a eficacia do negocio co Desenvolvemento Sostible, considerando as interaccións dos nosos produtos, servizos e/ou actividades con todas as partes interesadas, o que inclúe tanto o colectivo de persoas que forma parte como o contorno no que operamos.

Cremos que a innovación en calquera ámbito da nosa actuación é necesaria para o progreso empresarial e para nos adaptarmos ás expectativas que a nosa actividade xera na sociedade e nos consumidores.

Integramos na xestión ordinaria a defensa da saúde e seguridade dos consumidores a través dunha oferta de produtos sans, seguros e saudables e mediante unha información transparente, útil e completa.